Танака Бине оюун ухааны сорил”-ын Монгол хувилбар боловсруулах судалгааны ажил /2017-2020 он/

Даяарчлалын өнөө үед улс орны эдийн засгийн хөгжлийн шийдвэрлэх хүчин зүйлийн нэг нь оюуны үйлдвэрлэл, өмчийн нэг чухал хэлбэр нь оюуны өмч болж буй нөхцөлд Монгол хүүхдийн оюуны нөөц чадамжийг тодорхойлох, түүний түвшинг хэмжих, үнэлэх баталгаатай аргуудын хэрэгцээ зайлшгүй урган гарч ирж байна. Бид Монгол хүүхдийн оюун ухааны хөгжлийг тодорхойлох энэхүү судалгаандаа дэлхийн сэтгэл судлалын шинжлэх ухаанд хүлээн зөвшөөрөгдсөн суурь тестийг эх хэлнээ орчуулан, судалгааны тестийн Монгол хувилбарыг боловсруулан Монгол хүүхдийн оюуны хөгжлийн дундаж норматив үзүүлэлтийг тогтоож, хүүхдийн оюун ухааны хөгжлийг үнэлэн, дэмжих боломж бүрдэнэ. “Танака-Бине оюун ухааны сорил”-ын Монгол хувилбар боловсруулах судалгааны ажлыг Нагояа их сургуультай хамтран  боловсруулж буй бөгөөд боловсруулалтын шат бүрт Танака боловсролын хүрээлэнгийн заавар, зөвлөгөөг авч хэрэгжүүлэн ажиллаж байна. Ийнхүү бид “Танака-Бине оюун ухааны сорилын Монгол хувилбар”-ын гарын авлагуудыг эцэслэж, сүүлийн хувилбарыг бий болгосон. Ингэснээр Монгол хүүхдийн онцлогт тохируулсан, тохирцыг шалгасан, найдварт болон баталгаат чанар,  норматив тогтоосон, тест боловсруулах нарийн аргачлалыг шинжлэх ухааны үндэслэлтэй боловсруулсан судалгааны аргачлалтай болж байна.

“Танака-Бине оюун ухааны сорилын Монгол хувилбар” боловсруулах судалгааны ажлын дараалал

№	Судалгааны ажлын нэр	Хамрах хүрээ	Хугацаа	Зорилго
1	Туршилт судалгаа	Улаанбаатар хот 1-13 насны -68 хүүхэд	2017.06.12-2017.06.16	Сорилын эхний хувилбарын тохироцыг шалгах
2	Урьдчилсан судалгаа	Улаанбаатар хот,Архангай аймаг –Батцэнгэл, Их тамир, Цэнхэр сум  1-16 насны 320 хүүхэд	2017.11.05-2017.11.20	Даалгавруудын тохироцыг шалгах, тэнцэх шалгуур, хариултын шалгууруудыг тогтох
3	Үндсэн судалгаа	Улаанбаатар хот, Сэлэнгэ, Завхан, Хэнтий, Өмнөговь, Хөвсгөл аймаг 1-16 насны 800 хүүхэд	2018.10 сар-12 сар	Монгол хүүхдүүдийн дундаж үзүүлэлт, гүйцэтгэлийн хувийг гаргах
4	Давтан судалгаа	Улаанбаатар хотоос үндсэн судалгаанд оролцсон судлуулагчаас түүвэрлэж 3-10 насны 80 хүүхэд	2019.4 сар-5 сар	Найдварын зэргийг тодорхойлох